രാഹുല്‍ ദ്രാവിഡിനോടൊപ്പം ഓസ്ട്രേലിയന്‍ ഇതിഹാസവും മുന്‍ നായകനുമായ റിക്കി പോണ്ടിംഗ്, ഇംഗ്ലണ്ട് വിക്കറ്റ് കീപ്പര്‍ ബാറ്റിംഗ് താരം ക്ലെയര്‍ ടെയിലര്‍ എന്നിവരെ ഹാള്‍ ഓഫ് ഫെയിമില്‍ ഉള്‍പ്പെടുത്തി ഐസിസി. രാഹുല്‍ ദ്രാവിഡ് ഈ നേട്ടം കൈവരിക്കുന്ന അഞ്ചാമത്തെ ഇന്ത്യന്‍ താരമായപ്പോള്‍ 2006, 2007 വര്‍ഷങ്ങളില്‍ ഐസിസി ക്രിക്കറ്ററായി തിരഞ്ഞെടുക്കപ്പെട്ട പോണ്ടിംഗ് ഓസ്ട്രേലിയയില്‍ നിന്നുള്ള 25ാമത്തെ താരമാണ്.
ഇംഗ്ലണ്ടിന്റെ വനിത വിക്കറ്റ് കീപ്പര്‍ താരമായ ക്ലെയര്‍ ടെയിലര്‍ ഈ നേട്ടം സ്വന്തമാക്കുന്ന ഏഴാമത്തെ വനിതയും പട്ടികയിലുള്ള മൂന്നാമത്തെ ഇംഗ്ലീഷ് വനിത താരവുമാണ്. ഈ മൂന്ന് താരങ്ങളെയും ഹാള്‍ ഓഫ് ഫെയിമിലേക്ക് തിരഞ്ഞെടുത്തത് മുന്‍ ഐസിസി ക്രിക്കറ്റ് ഹാള്‍ ഓഫ് ഫെയിം പട്ടികയിലുള്ളവരും മീഡിയയിലെ അംഗങ്ങളും ചേര്‍ന്നാണ്.
കൂടുതൽ കായിക വാർത്തകൾക്ക് : www.facebook.com/FanportOfficial
