ഫില്‍ സിമ്മണ്‍സ് സെല്‍ഫ് ഐസൊലേഷനില്‍

- Advertisement -

വിന്‍ഡീസ് കോച്ച് ഫില്‍ സിമ്മണ്‍സ് സെല്‍ഫ് ഐസൊലേഷനില്‍. ഈ മരണാന്തര ചടങ്ങില്‍ പങ്കെടുത്തതോടെയാണ് സിമ്മണ്‍സ് സെല്‍ഫ് ഐസൊലേഷനില്‍ പോയത്. വിന്‍ഡീസ് സ്ക്വാഡിനൊപ്പം ചേരുന്നതിന് മുമ്പ് രണ്ട് കൊറോണ പരിശോധനയില്‍ ഇദ്ദേഹം നെഗറ്റീവാണെന്ന് തെളിയിക്കണം. സിമ്മണ്‍സ് ഓള്‍ഡ് ട്രാഫോര്‍ഡിലെ തന്റെ ഹോട്ടല്‍ മുറിയിലാണ് ഇപ്പോള്‍ ഐസൊലേഷനില്‍ കഴിയുന്നത്.

എന്നാല്‍ സിമ്മണ്‍സിന്റെ അഭാവം തങ്ങളെ ബാധിക്കില്ലെന്നും വലിയൊരു കോച്ചിംഗ് സ്റ്റാഫാണ് വിന്‍ഡീസിനുള്ളതെന്നും അല്‍സാരി ജോസഫ് വ്യക്തമാക്കി. നാളെ നടക്കുന്ന രണ്ടാം സന്നാഹ മത്സരത്തില്‍ സഹ പരിശീലകരായ റോഡി എസ്റ്റ്വിക്കിനും റയണ്‍ ഗ്രിഫിത്തിനുമാകും ചുമതല.

കാണികളുടെ അഭാവത്തില്‍ ബയോ സുരക്ഷിതമായ അന്തരീക്ഷത്തിലാണ് ഈ സന്നാഹ മത്സരവും നടക്കുന്നത്. ഇംഗ്ലണ്ടുമായുള്ള ടെസ്റ്റ് പരമ്പര ജൂണ്‍ 8ന് ആവും ആരംഭിക്കുക.

Advertisement