പോൾ കോളിംഗ്‍വുഡ് ഇംഗ്ലണ്ടിന്റെ താത്കാലിക കോച്ച്

Paulcollingwood

ആഷസിലെ തിരിച്ചടി കാരണം ജോലി നഷ്ടമായ ഇംഗ്ലണ്ട് മുഖ്യ കോച്ച് ക്രിസ് സിൽവര്‍വുഡിന് പകരക്കാരനെ നിശ്ചയിച്ച് ഇംഗ്ലണ്ട് ക്രിക്കറ്റ് ബോര്‍ഡ്. മുന്‍ ഇംഗ്ലണ്ട് താരം പോള്‍ കോളിംഗ്‍വുഡിനെയാണ് ഇംഗ്ലണ്ട് കോച്ചിംഗ് ദൗത്യം ഏല്പിച്ചിരിക്കുന്നത്.

എന്നാൽ പോളിന്റെ നിയമനം താത്കാലികമാണ്. വെസ്റ്റിന്‍ഡീസ് ടെസ്റ്റ് പരമ്പരയ്ക്കായാണ് കോളിംഗ്‍വുഡിനെ മുഖ്യ കോച്ചായി ചുമതലപ്പെടുത്തിയിരിക്കുന്നത്. കരീബിയന്‍ മണ്ണിൽ 2-3ന് ടി20 പരമ്പര പരാജയപ്പെട്ടോളും ഇംഗ്ലണ്ട് ടീമിന്റെ കോച്ചിംഗ് ദൗത്യം പോള്‍ കോളിംഗ്‍വുഡിലായിരുന്നു.

ഇപ്പോള്‍ ബാര്‍ബഡോസിൽ ഇടവേള എടുത്തിരിക്കുന്ന പോള്‍ ഫെബ്രുവരി 25ന് ടീമിനൊപ്പം ചേരും.

മാര്‍ച്ചില്‍ ആന്റിഗ്വ, ബാര്‍ബഡോസ്, ഗ്രേനാഡ എന്നിവിടങ്ങളിലാണ് ടെസ്റ്റ് മത്സരം നടക്കുന്നത്.