ഓസ്‌ട്രേലിയൻ ക്രിക്കറ്റ് ടീം ക്യാപ്റ്റൻ പാറ്റ് കമ്മിൻസ മൂന്നാം ടെസ്റ്റിനു മുന്നോടിയായി ഓസ്ട്രേലിയയിലേക്ക് മടങ്ങി. തന്റെ കുടുംബത്തിൽ ഒരു അടിയന്തര സാഹചര്യം വന്നത് കൊണ്ടാണ് താരം നാട്ടിലേക്ക് പോകുന്നത് എന്ന് ഓസ്ട്രേലിയ അറിയിച്ചു. ഡൽഹിയിൽ നടന്ന രണ്ടാം ടെസ്റ്റിൽ തന്റെ ടീം ആറ് വിക്കറ്റിന് തോറ്റതിന് തൊട്ടുപിന്നാലെയാണ് കമ്മിൻസിന്റെ യാത്ര.
മാർച്ച് ഒന്നിന് ഇൻഡോറിൽ ആരംഭിക്കുന്ന മൂന്നാം ടെസ്റ്റിന് മുന്നോടിയായുള്ള തയ്യാറെടുപ്പുകളിൽ കമ്മിൻസ് ഉണ്ടാകില്ല. എന്നാൽ ടെസ്റ്റ് ആരംഭിക്കും മുമ്പ് കമ്മിൻസ് മടങ്ങിയെത്തും എന്നാണ് ഓസ്ട്രേലിയ പ്രതീക്ഷിക്കുന്നത്. അഥവാ കമ്മിൻ മടങ്ങി വരാതിരുന്നാൽ സ്റ്റീവ് സ്മിത്ത് ടീമിനെ നയിക്കും. നേരത്തെ കമ്മിൻസിന്റെ അഭാവത്തിൽ രണ്ട് തവണ സ്മിത്ത് ടീമിനെ നയിച്ചിരന്നു.
