ആഡം ഗിൽക്രിസ്റ്റും വിരേന്ദര്‍ സേവാഗും എതിരാളികളിലുണ്ടാക്കിയ അതേ പ്രഭാവം ഋഷഭ് പന്തിനും ഉണ്ട് – ദിനേശ് കാര്‍ത്തിക്

Rishabhpant

ഇന്ത്യയുടെ യുവ വിക്കറ്റ് കീപ്പ‍ര്‍ ഋഷഭ് പന്ത് വലിയ പ്രഭാവമാണ് എതിരാളികളിലുണ്ടാക്കുന്നതെന്ന് പറഞ്ഞ് ദിനേശ് കാര്‍ത്തിക്. വിരേന്ദര്‍ സേവാഗും ആഡം ഗിൽ ക്രിസ്റ്റും എന്ത് മാത്രം ഭയം എതിരാളികളിൽ സൃഷ്ടിച്ചിരുന്നുവോ സമാനമായ പ്രഭാവമാണ് പന്തും സൃഷ്ടിക്കുന്നതെന്ന് ദിനേസ് കാര്‍ത്തിക് വ്യക്തമാക്കി. താരത്തിന്റെ സാന്നിദ്ധ്യം ടീം മാനേജ്മെന്റിന് ഒരു അധികം ബാറ്റ്സ്മാനെയോ ബൗളറെയോ കളിപ്പിക്കുവാനുള്ള സന്തുലിത നൽകുന്നുണ്ടെന്നും കാര്‍ത്തിക് വ്യക്തമാക്കി.

അത് കൂടാതെ എതിരാളികളിൽ സൃഷ്ടിച്ചെടുക്കുന്ന ഭയവും വലിയൊരു ഘടകം ആണെന്ന് കാര്‍ത്തിക് പറഞ്ഞു. ഓസ്ട്രേലിയയിലും ഇംഗ്ലണ്ടിലും മികവാര്‍ന്ന ബാറ്റിംഗ് പ്രകടനം പുറത്തെടുത്ത് പന്ത് ഏവരുടെയും ശ്രദ്ധ പിടിച്ചു പറ്റിയിരുന്നു. പല മുന്‍ താരങ്ങളും നിലവിലെ താരങ്ങളും താരത്തിന്റെ പ്രകടനത്തെ പ്രകീര്‍ത്തിച്ച് പലപ്പോഴായി രംഗത്തും എത്തിയിരുന്നു.

Previous articleമുൻ യുവന്റസ് മാനേജിങ് ഡയറക്ടർ സ്പർസിന്റെ തലപ്പത്ത്
Next articleഒരു ടീമിനും പതിനൊന്ന് പുജാരമാരും ഉണ്ടാകില്ല പതിനൊന്ന് പന്തുമാരുമുണ്ടാകില്ല – വിക്രം റാഥോര്‍