മൂന്നാം ദിവസം ഓസ്ട്രേലിയയുടെ ശേഷിയ്ക്കുന്ന മൂന്ന് വിക്കറ്റുകളും വീണപ്പോള്‍ ആ മൂന്ന് ക്യാച്ചുകളും പൂര്‍ത്തിയാക്കിയത് ഋഷഭ് പന്തായിരുന്നു. പന്ത് ഇന്നിംഗ്സില്‍ ആറ് ക്യാച്ചുകള്‍ പൂര്‍ത്തിയാക്കിയപ്പോള്‍ ഇന്ത്യയുടെ കീപ്പിംഗ് ഇതിഹാസം എംഎസ് ധോണിയുടെ പേരിലുള്ള ഇന്ത്യന്‍ റെക്കോര്‍ഡിനൊപ്പമെത്തുകയായിരുന്നു ഇന്ത്യയുടെ യുവ വിക്കറ്റ് കീപ്പര്‍.
2009ലാണ് ഈ നേട്ടം ധോണിയെ തേടി എത്തുന്നത്. അന്ന് എതിരാളികള്‍ ന്യൂസിലാണ്ടായിരുന്നു. വെല്ലിംഗ്ടണില്‍ നടന്ന ടെസ്റ്റില്‍ ധോണി ഈ നേട്ടം കൈവരിച്ചപ്പോള്‍ പന്ത് 9 വര്‍ഷങ്ങള്‍ക്ക് ശേഷം ഓസ്ട്രേലിയയ്ക്കെതിരെ റെക്കോര്‍ഡിനൊപ്പമെത്തുകയായിരുന്നു.
