അവിശ്വസനീയമായ ചെയ്സ്!! 16 ഓവറിൽ 205 അടിച്ച് പാകിസ്താൻ
ന്യൂസിലൻഡ് ഉയർത്തിയ 204 റൺസ് വിജയലക്ഷ്യം 16 ഓവറിൽ മറികടന്ന് പാകിസ്ഥാന്റെ തകർപ്പൻ ബാറ്റിംഗ് പ്രകടനം. മൂന്നാം ടി20യിൽ ഒമ്പത് വിക്കറ്റിന് പാകിസ്താൻ വിജയിച്ചു. ഹസൻ നവാസ് 45 പന്തിൽ 10 ഫോറും 7 സിക്സും സഹിതം പുറത്താകാതെ 105 റൺസ് നേടി ഹീറോ ആയി. 31 പന്തിൽ പുറത്താകാതെ 51 റൺസ് നേടിയ ക്യാപ്റ്റൻ സൽമാൻ ആഘയും മികച്ച പിന്തുണ നൽകി. മുഹമ്മദ് ഹാരിസ് 20 പന്തിൽ 41 റൺസും നേടി.
നേരത്തെ, 44 പന്തിൽ 94 റൺസെടുത്ത മാർക്ക് ചാപ്മാൻ്റെ സ്ഫോടനാത്മകമായ ബാറ്റിംഗാണ് ന്യൂസിലൻഡിനെ 204 റൺസിലെത്തിച്ചത്. 29 റൺസ് വഴങ്ങി 3 വിക്കറ്റ് വീഴ്ത്തിയ ഹാരിസ് റൗഫാണ് പാക് ബൗളർമാരിൽ മികച്ചുനിന്നത്. ഷഹീൻ അഫ്രീദിയും അബ്രാർ അഹമ്മദും രണ്ട് വിക്കറ്റ് വീതം വീഴ്ത്തി.
ഈ വിജയത്തോടെ രണ്ട് മത്സരങ്ങൾ ശേഷിക്കെ പരമ്പര ന്യൂസിലൻഡിന് അനുകൂലമായി 2-1 എന്ന നിലയിലാണ്.