ഫകര്‍ സമനും മുഹമ്മദ് അമീറും തിരികെ എത്തുന്നു

Sports Correspondent

Download the Fanport app now!
Appstore Badge
Google Play Badge 1

ദക്ഷിണാഫ്രിക്കയ്ക്കെതിരെ നടക്കുന്ന ടെസ്റ്റ് പരമ്പരയ്ക്കുള്ള 16 അംഗ ടീമിനെ പ്രഖ്യാപിച്ച് പാക്കിസ്ഥാന്‍. മുഹമ്മദ് അമീര്‍, ഫകര്‍ സമന്‍ എന്നിവര്‍ ടീമിലേക്ക് തിരികെ എത്തുന്നു എന്നതാണ് പ്രധാനം. ബിലാല്‍ ആസിഫ്, മിര്‍ ഹംസ, സാദ് അലി എന്നിവര്‍ ടീമില്‍ നിന്ന് പുറത്ത് പോകുന്നു. മോശം ഫോമില്‍ തുടരുകയായിരുന്ന മുഹമ്മദ് അമീറിനെ ഏഷ്യ കപ്പിനു ശേഷം പാക്കിസ്ഥാന്‍ ടീമില്‍ നിന്ന് ഒഴിവാക്കുകയായിരുന്നു.

മുഹമ്മദ് ഹഫീസ് വിരമിച്ചതിനെത്തുടര്‍ന്ന് ഓപ്പണിംഗ് സ്ഥാനത്തേക്ക് പരിഗണിക്കുവാന്‍ ഷാന്‍ മക്സൂദിനെയും ഫകര്‍ സമനെയും ടീമില്‍ ഉള്‍പ്പെടുത്തിയിട്ടുണ്ട്. സമന്‍ ഓസ്ട്രേലിയയ്ക്കെതിരെ അരങ്ങേറ്റം ഗംഭീരമാക്കിയെങ്കിലും താരത്തിനു പരിക്കേറ്റതിനെ തുടര്‍ന്ന് ടീമിനു പുറത്ത് പോകുകയായിരുന്നു. ഡിസംബര്‍ 26നു സെഞ്ചൂറിയണിലാണ് ആദ്യ ടെസ്റ്റ്. ജനുവരി 3നു കേപ് ടൗണിലും ജനുവരി 11നു ജോഹന്നസ്ബര്‍ഗിലുമാണ് മറ്റു മത്സരങ്ങള്‍.

പാക്കിസ്ഥാന്‍: ഇമാം-ഉള്‍-ഹക്ക്, ഫകര്‍ സമന്‍, ഷാന്‍ മക്സൂദ്, അസ്ഹര്‍ അലി, ഹാരിസ് സൊഹൈല്‍, അസാദ് ഷഫീക്ക്, ബാബര്‍ അസം, സര്‍ഫ്രാസ് അഹമ്മദ്, മുഹമ്മദ് റിസ്വാന്‍, യസീര്‍ ഷാ, ഷദബ് ഖാന്‍, മുഹമ്മദ് അബ്ബാസ്, ഹസന്‍ അലി, മുഹമ്മദ് അമീര്‍, ഫഹീം അഷ്റഫ്, ഷഹീന്‍ അഫ്രീദി