ന്യൂസിലാണ്ടില് ഫോം കണ്ടെത്തി പാക്കിസ്ഥാന്, അര്ദ്ധ ശതകങ്ങളുമായി ഫകര് സമനും ബാബര് അസവും
ഏകദിനങ്ങളിലും ടി20യിലും ആവര്ത്തിച്ച തോല്വികള്ക്കും ബാറ്റിംഗ് പരാജയത്തിനും ശേഷം ഫോം കണ്ടെത്തി പാക്കിസ്ഥാന് ബാറ്റിംഗ് നിര. ഇന്ന് ഓക്ലാന്ഡിലെ ഈഡന് പാര്ക്കില് നടന്ന രണ്ടാം ടി20 മത്സരത്തില് ആദ്യം ബാറ്റ് ചെയ്ത പാക്കിസ്ഥാന് 4 വിക്കറ്റ് നഷ്ടത്തില് 201 റണ്സ് നേടുകയായിരുന്നു. ഫകര് സമന് 28 പന്തില് 50 റണ്സ് നേടി പുറത്തായപ്പോള് അഹമ്മദ് ഷെഹ്സാദ്(44), ബാബര് അസം(പുറത്താകാതെ 29 പന്തില് നിന്ന് 50 റണ്സ്), സര്ഫ്രാസ് അഹമ്മ്(24 പന്തില് 41) എന്നിവരാണ് പാക്കിസ്ഥാനായി തിളങ്ങിയത്. ഫകര് സമന്റെ ആദ്യ ടി20 അര്ദ്ധ ശതകമാണ് ഇന്ന് ന്യൂസിലാണ്ടിനെതിരെ നേടിയത്. 5 ബൗണ്ടറിയും 3 സിക്സും ഫകര് അടിച്ചപ്പോ് ബാബര് അസം ഒരു സിക്സും അഞ്ച് ബൗണ്ടറിയുമാണ് തന്റെ ഇന്നിംഗ്സില് നേടിയത്. സര്ഫ്രാസ് അഹമ്മദ് 2 ബൗണ്ടറിയും മൂന്ന് സിക്സും നേടി.
ന്യൂസിലാണ്ടിനു വേണ്ടി ബെന് വീലര് രണ്ടും സെത്ത് റാന്സ്, കോളിന് ഡി ഗ്രാന്ഡോം എന്നവര് ഓരോ വിക്കറ്റും നേടി.
കൂടുതൽ കായിക വാർത്തകൾക്ക് : www.facebook.com/FanportOfficial
