2023 ജനുവരിയിൽ ആരംഭിക്കാനിരിക്കുന്ന പുതുതായി രൂപീകരിച്ച SA20 ലീഗിൽ പങ്കെടുക്കാൻ പാകിസ്ഥാൻ ക്രിക്കറ്റ് ബോർഡ് അവരുടെ കളിക്കാരെ അനുവദിച്ചു. പുതിയ വൈൽഡ് കാർഡ് എൻട്രി വഴി ആകും പാകിസ്താൻ താരങ്ങൾ ലീഗിന്റെ ഭാഗമാവുക. വൈൽഡ് കാർഡ് വഴി ടീമുകൾക്ക് ഒരു അധിക കളിക്കാരനെ തിരഞ്ഞെടുക്കാൻ പറ്റും.
പിസിബിയുടെ കേന്ദ്ര കരാർ ഇല്ലാത്ത പാകിസ്ഥാൻ ക്രിക്കറ്റ് താരങ്ങൾക്കും ഒപ്പം പ്രധാന താരങ്ങൾക്കും ലീഗിന്റെ ഭാഗമാകാം. ടീമുകൾ നേരിട്ട ബന്ധപ്പെട്ട് താരങ്ങൾക്ക് ഓഫർ നൽകും എന്നാണ് സൂചന.
ലീഗിന്റെ ഉദ്ഘാടന പതിപ്പ് അടുത്ത വർഷം ജനുവരിയിൽ ആകും നടക്കുക. ഐ പി എൽ ഉടമകൾ ആണ് ടീമുകൾ വാങ്ങിയത് എങ്കിലും ഇന്ത്യൻ താരങ്ങളെ ഈ ലീഗിലും കളിക്കാൻ അനുവദിക്കില്ല.
