പത്താം വിക്കറ്റ് കൂട്ടുകെട്ട് നേടിയ 104 റൺസിന്റെ ബലത്തിൽ 449 റൺസ് നേടി ന്യൂസിലാണ്ട്. അബ്രാര്‍ അഹമ്മദ് അജാസ് പട്ടേലിനെ വീഴ്ത്തിയാണ് ഈ കൂട്ടുകെട്ട് തകര്‍ത്തത്. മാറ്റ് ഹെന്‍റി 68 റൺസുമായി പുറത്താകാതെ നിന്നു. അജാസ് പട്ടേൽ 35 റൺസ് നേടി. അബ്രാര്‍ അഹമ്മദ് നാല് വിക്കറ്റ് നേടി.
345/9 എന്ന നിലയിൽ പാക്കിസ്ഥാന്‍ ന്യൂസിലാണ്ടിനെ പ്രതിരോധത്തിലാക്കിയെങ്കിലും പത്താം വിക്കറ്റ് കൂട്ടുകെട്ട് പാക് പ്രതീക്ഷകളെ തകിടം മറിച്ചു. ആദ്യ ദിനം ഡെവൺ കോൺവേ 122 റൺസും ടോം ലാഥം 71 റൺസും നേടിയപ്പോള്‍ ഇന്ന് ന്യൂസിലാണ്ടിനായി ടോം ബ്ലണ്ടൽ 51 റൺസ് നേടി പുറത്തായി.
