14 ദിവസത്തെ ക്വാറന്റീനെങ്കില്‍ പരമ്പര മറന്നേക്കു – ബംഗ്ലാദേശ്

- Advertisement -

14 ദിവസത്തെ ക്വാറന്റീന്‍ എന്ന് ലങ്കന്‍ അധികാരികള്‍ നിര്‍ബന്ധം പിടിക്കുകയാണെങ്കില്‍ ശ്രീലങ്കയിലോട്ട് യാത്ര ചെയ്യുവാന്‍ ബംഗ്ലാദേശിന് താല്പര്യമില്ലെന്നും പരമ്പര ഉപേക്ഷിക്കുന്നതാണ് നല്ലതെന്നും അറിയിച്ച് ബംഗ്ലാദേശ് പ്രസിഡന്റ് നസ്മുള്‍ ഹസന്‍. ക്വാറന്റീന്‍ നിയമാവലി ലങ്കന്‍ ബോര്‍ഡ് അറിയിച്ചതോടെയാണ് തങ്ങള്‍ കരുതിയത് പോലെയല്ല കാര്യങ്ങളെന്ന് ബംഗ്ലാദേശ് ബോര്‍ഡിന് മനസ്സിലാവുന്നത്.

ക്വാറന്റീന്‍ കാലത്താണെങ്കിലും ടീമംഗങ്ങള്‍ക്ക് പരിശീലനം ആവാമെന്നാണ് ബോര്‍ഡ് കരുതിയിരുന്നത്. എന്നാല്‍ അത് സാധ്യമല്ലെന്നാണ് പിന്നീട് ലഭിച്ച വിവരം. പൂര്‍ണ്ണമായും റൂം ക്വാറന്റീനിലേക്ക് താരങ്ങള്‍ പോകേണ്ടി വരുമെന്നാണ് പിന്നീട് ലങ്കന്‍ ബോര്‍ഡ് ബംഗ്ലാദേശിനെ അറിയിച്ചത്.

എന്നാല്‍ ഏഴ് ദിവസം വരെയാണെങ്കില്‍ ഇത് സ്വീകാര്യമാണെന്നും അതിനപ്പുറമുള്ള നിയമമാണെങ്കില്‍ പരമ്പര ഉപേക്ഷിക്കുന്നതാവും നല്ലതെന്നാണ് ബംഗ്ലാദേശിന്റെ ഇപ്പോളത്തെ നിലപാട്.

Advertisement