ബംഗ്ലാദേശ് പര്യടനത്തില്‍ വിന്‍ഡീസിന്റെ പകരക്കാരന്‍ താല്‍ക്കാലിക കോച്ചായി നിക് പോത്താസിനെ ചുമതലപ്പെടുത്തി. സ്റ്റുവര്‍ട് ലോ ഇന്ത്യന്‍ പര്യടനത്തിനു ശേഷം നേരത്തെ തന്നെ സ്ഥാനം ഒഴിയുമെന്ന് വ്യക്തമാക്കിയിരുന്നു. പുതിയ കോച്ചിനെ നിയമിക്കുന്നത് വരെ നിക് പോത്താസ് വിന്‍ഡീസ് കോച്ചായി തുടരും. നാല് വര്‍ഷത്തെ കരാര്‍ ഇംഗ്ലീഷ് കൗണ്ടിയായ മിഡില്‍സെക്സുമായി ഏര്‍പ്പെട്ടതിനെത്തുടര്‍ന്നാണ് സ്റ്റുവര്‍ട് ലോ വിന്‍ഡീസ് കോച്ചിംഗ് പദവി വിട്ടത്.
ശ്രീലങ്കയുടെ താല്‍ക്കാലിക കോച്ചായി ചുമതല വഹിച്ചിട്ടുള്ള നിക് പോത്താസിനെ ഈ വര്‍ഷം ആദ്യമാണ് വിന്‍ഡീസിന്റെ ഫീല്‍ഡിംഗ് കോച്ചായി നിയമിച്ചത്. നവംബര്‍ 22നു ചിറ്റഗോംഗിലാണ് ബംഗ്ലാദേശ് വിന്‍ഡീസ് ടീമുകള്‍ തമ്മിലുള്ള ടെസ്റ്റ് മത്സരം ആരംഭിക്കുന്നത്.
