ന്യൂസിലൻഡിനെ ഞെട്ടിച്ച് യു എ ഇ. ഇന്ന് നടന്ന ടി20 പരമ്പരയിലെ രണ്ടാം മത്സരത്തിൽ യു എ ഇ 7 വിക്കറ്റിന്റെ വിജയം നേടി. ഇന്ന് ആദ്യം ബാറ്റു ചെയ്ത ന്യൂസിലൻഡ് 20 ഓവറിൽ 142-8 എന്ന സ്കോർ മാത്രമെ എടുത്തിരുന്നുള്ളൂ. 63 റൺസ് എടുത്ത ചാപ്മാൻ ആണ് ന്യൂസിലൻഡിനായി ടോപ് സ്കോറർ ആയത്. 46 പന്തിൽ നിന്ന് 3 ഫോറും 3 സിക്സും ഉൾപ്പെടെയാണ് ചാപ്മാൻ 63 റൺസ് എടുത്തത്. 21 റൺസ് എടുത്ത നീഷാമും, 21 റൺസ് എടുത്ത ബോവ്സും മാത്രമാണ് തിളങ്ങിയ മറ്റു താരങ്ങൾ.
യു എ ഇക്ക് ആയി അയൻ ഖാൻ 3 വിക്കറ്റും ജവാദുള്ള രണ്ട് വിക്കറ്റും നേടി. മറുപടി ബാറ്റിംഗിന് ഇറങ്ങിയ യു എ ഇക്ക് ആയി ഓപ്പണർ വസീം 29 പന്തിൽ നിന്ന് 55 റൺസ് എടുത്തു. 3 സിക്സും 4 ഫോറും അടങ്ങുന്നതായിരുന്നു ഈ ഇന്നിംഗ്സ്. ആസിഫ് ഖാൻ 29 പന്തിൽ നിന്ന് 48 റൺസ് എടുത്ത് പുറത്താകാതെ നിന്ന് യു എ ഇയുടെ ചരിത്ര വിജയം ഉറപ്പിച്ചു.
ഈ വിജയത്തോടെ യു എ ഇ പരമ്പര 1-1 എന്ന നിലയിൽ സമനിലയാക്കി. ചരിത്രത്തിൽ ആദ്യമായാണ് യു എ ഇ ന്യൂസിലൻഡിനെ തോൽപ്പിക്കുന്നത്.
