ബംഗ്ലാദേശ് ഇടം-കൈയ്യന്‍ സ്പിന്നര്‍ നസ്മുള്‍ ഇസ്ലാമിനു പരിക്ക്. വിന്‍ഡീസിനെതിരെ മൂന്നാം ടി20 മത്സരത്തിനിടെയാണ് താരത്തിനു പരിക്കേറ്റത്. 25 തുന്നലുകളാണ് താരത്തിനു വേണ്ടി വന്നതെന്നാണ് ബംഗ്ലാദേശ് മാനേജര്‍ റബീദ് ഇമാം പറഞ്ഞത്. തുന്നലുകള്‍ നീക്കം ചെയ്യാന്‍ തന്നെ കുറഞ്ഞത് രണ്ടാഴ്ച സമയം എടുക്കുമെന്നാണ് ഇമാം പറഞ്ഞത്.
അതിനു ശേഷം മാത്രമേ റീഹാബും മറ്റു കാര്യങ്ങളും തീരുമാനിക്കുകയുള്ളു. സ്വന്തം ബൗളിംഗില്‍ മര്‍ലന്‍ സാമുവല്‍സിന്റെ ഡ്രൈവ് തടയാന്‍ ശ്രമിക്കുന്നതിനിടയിലാണ് താരത്തിനു പരിക്കേറ്റത്. ക്രീസിന്റെ മറുവശത്തുണ്ടായിരുന്ന ചാഡ്വിക്ക് വാള്‍ട്ടണന്റെ ബൂട്ടിനടിയില്‍ പെട്ടതാണ് താരത്തിന്റെ പരിക്കിനു ഇടയാക്കിയത്.
ഉടന്‍ തന്നെ നസ്മുളിനെ ഗ്രൗണ്ടില്‍ നിന്ന് പുറത്ത് വൈദ്യ സഹായത്തിനു കൊണ്ടു പോകുകയായിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
