തന്റെ സഹതാരവും ബംഗ്ലാദേശ് ക്രിക്കറ്റിലെ ഏറ്റവും മികച്ച താരങ്ങളില്‍ ഒരാളായ മുഷ്ഫിക്കുര്‍ റഹിമിനെ വിരാട് കോഹ്‍ലിയുമായി താരതമ്യം ചെയ്ത് തമീം ഇക്ബാല്‍. ബംഗ്ലാദേശി ജനങ്ങള്‍ക്ക് ഒരു റോള്‍ മോഡലാണ് മുഷ്ഫിക്കുറെന്നും ടീമിലെ ഏറ്റവും തീവ്ര പരിശീലനത്തില്‍ ഏര്‍പ്പെടുന്ന താരം മുഷ്ഫിക്കുര്‍ റഹിം ആണെന്നും തമീം ഇക്ബാല്‍ വ്യക്തമാക്കി. താരത്തിന്റെ വര്‍ക്ക് എത്തിക്സ് വിരാട് കോഹ്‍ലിയ്ക്ക് തുല്യമായതാണെന്നും തമീം ഇക്ബാല്‍ പറഞ്ഞു.
ഫീല്‍ഡിലും ഫീല്‍ഡിന് പുറത്തും വളരെ അച്ചടക്കമുള്ള താരമാണെന്നും ഒഴിവാക്കുന്ന പരിശീലന സെഷനുകളില്‍ പോലും താരം സജീവമായി പങ്കെടുക്കാറുണ്ടെന്നും തമീം വ്യക്തമാക്കി. വിരാട് കോഹ്‍ലിയുടെ ഉദാഹരണമാണ് ലോകത്തെല്ലാവരും നല്‍കുന്നതെങ്കില്‍ അതിന് സമാനമായതാണ് മുഷ്ഫിക്കുറിന്റെ വര്‍ക്ക് എത്തിക്സ് എന്നും തമീം വ്യക്തമാക്കി.
ഇന്‍സ്റ്റാഗ്രാം ലൈവ് സെഷനില്‍ തമീമും മുഷ്ഫിക്കുറും സംസാരിക്കുമ്പോളാണ് സഹതാരത്തെ തമീം പുകഴ്ത്തിയത്.
