ഫൈനലിലേക്ക് ആര്! പഞ്ചാബിന് മുന്നിൽ 204 എന്ന വിജയലക്ഷ്യം വെച്ച് മുംബൈ ഇന്ത്യൻസ്
അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ നടക്കുന്ന വാശിയേറിയ ക്വാളിഫയർ പോരാട്ടത്തിൽ, ആദ്യം ബാറ്റിംഗിനിറങ്ങിയ മുംബൈ ഇന്ത്യൻസ് 20 ഓവറിൽ 6 വിക്കറ്റ് നഷ്ടത്തിൽ 203 റൺസ് നേടി.
രോഹിത് ശർമ്മയെ തുടക്കത്തിൽ നഷ്ടപ്പെട്ട മുംബൈക്ക് അത്ര നല്ല തുടക്കമായിരുന്നില്ല. എന്നാൽ ജോണി ബെയർസ്റ്റോ (24 പന്തിൽ 38), തിലക് വർമ്മ (29 പന്തിൽ 44) എന്നിവർ ചേർന്ന് ഇന്നിംഗ്സിനെ മുന്നോട്ട് നയിച്ചു. സൂര്യകുമാർ യാദവ് (26 പന്തിൽ 44), നമൻ ധീർ (18 പന്തിൽ 37) എന്നിവരുടെ വെടിക്കെട്ട് ബാറ്റിംഗും കൂടെ ചേർന്നതോടെ അവർ 200 കടന്നു.
കൈൽ ജാമിസൺ (1/30), അസ്മത്തുള്ള ഒമർസായി (2/43) എന്നിവർ ഭേദപ്പെട്ട ബൗളിംഗ് കാഴ്ചവെച്ചു. യുസ്വേന്ദ്ര ചാഹലും വിജയ്കുമാർ വൈശാഖും ഓരോ വിക്കറ്റ് വീതം നേടിയെങ്കിലും റൺസ് വഴങ്ങി.