എംപിഎല്‍ ഇനി ഇന്ത്യയുടെ പുതിയ കിറ്റ് സ്പോണ്‍സര്‍

ഗെയിമിംഗ് പ്ലാറ്റ്ഫോം ആയ മൊബൈല്‍ പ്രീമിയര്‍ ലീഗിന്റെ സബ്സിഡറിയായ എംപിഎല്‍ സ്പോര്‍ട്സ് അപ്പാരല്‍ ആന്‍ഡ് അക്സസറീസ് ഇനി മുതല്‍ ഇന്ത്യന്‍ ടീമിന്റെ പുതിയ കിറ്റ് സ്പോണ്‍സര്‍. മൂന്ന് വര്‍ഷത്തേക്കാണ് പുതിയ കരാര്‍. നൈക്കിന് പകരം ആണ് എംപിഎല്‍ ബിസിസിഐയുമായി പുതിയ കരാറിലെത്തിയിരിക്കുന്നത്.

പുരുഷ, വനിത, എ ടീം, അണ്ടര്‍ 19 ടീമുകള്‍ എന്നിവയുടെ കിറ്റ് സ്പോണ്‍സറായി എംപിഎല്‍ കരാറിലെത്തിയിട്ടുണ്ട്. എന്നാല്‍ പ്രതി മത്സരം 88 ലക്ഷം നൈക്ക് നല്‍കിയിരുന്നപ്പോല്‍ 65 ലക്ഷം രൂപ മാത്രമാവും എംപിഎല്‍ നല്‍കുക.

ഇത് കൂടാതെ മെര്‍ക്കന്‍ഡൈസ് സെയില്‍സിന്റെ 10 ശതമാനം റോയല്‍റ്റിയും ബിസിസിഐയ്ക്ക് ലഭിയ്ക്കും.