മഴ നഷ്ടപ്പെടുത്തിയ ആദ്യ ദിവസത്തിനു ശേഷം ബേസിന് റിസര്വ്വില് അടുത്ത രണ്ട് ദിവസവും കാലാവസ്ഥ മോശമെന്ന് പ്രവചനം.
ബേസിന് റിസര്വ്വില് ഇന്ന് ആരംഭിക്കാനിരുന്ന രണ്ടാം ടെസ്റ്റിന്റെ ആദ്യ ദിവസം ടോസ് പോലും നടക്കാതെ മഴ മൂലം ഉപേക്ഷിക്കപ്പെട്ട ശേഷം നാളെ രണ്ടാം ദിവസം കളി നടക്കുമെന്ന പ്രതീക്ഷയില് ക്രിക്കറ്റ് ലോകംയ എന്നാല് അടുത്ത രണ്ട് ദിവസവും ഇന്നത്തേതിനു സമാനമായ കാലവസ്ഥയായിരിക്കുമെന്നാണ് പ്രവചനം. ആദ്യ മത്സരത്തില് ആതിഥേയരായ ന്യൂസിലാണ്ട് ബംഗ്ലാദേശിനെ ഇന്നിംഗ്സിനും 52 റണ്സിനു പരാജയപ്പെടുത്തിയ ശേഷം രണ്ടാം മത്സരത്തില് കൂടുതല് ബാറ്റിംഗ് അനുകൂലമായ പിച്ചില് മെച്ചപ്പെട്ട പ്രകടനം പുറത്തെടുക്കാനാകുമെന്നാണ് ബംഗ്ലാദേശിന്റെ പ്രതീക്ഷ.
നാളെ അതേ സമയം മത്സരം അര മണിക്കൂര് നേരത്തെ ആരംഭിക്കുമെന്നാണ് അറിയുന്നത്.