ശ്രീലങ്കയ്ക്കെതിരെയുള്ള ഒന്നാം ടെസ്റ്റിന്റെ രണ്ടാം ദിവസം ല‍ഞ്ചിനായി പിരിയുമ്പോള്‍ ബംഗ്ലാദേശ് കൂറ്റന്‍ സ്കോറിലേക്ക് നീങ്ങുന്നു. ഇന്നലെ ശതകം നേടിയ നജ്മുള്‍ ഹൊസൈന്‍ ഷാന്റോയോടൊപ്പം ഇന്ന് മോമിനുള്‍ ഹക്കും ശതകം പൂര്‍ത്തിയാക്കിയപ്പോള്‍ ഉച്ച ഭക്ഷണത്തിനായി ടീമുകള്‍ പിരിയുമ്പോള്‍ ബംഗ്ലാദേശ് 378/2 എന്ന നിലയിലാണ്.
226 റണ്‍സ് കൂട്ടുകെട്ട് നേടി നജ്മുള്‍ – മോമിനുള്‍ കൂട്ടുകെട്ടാണ് ക്രീസിലുള്ളത്. മോമിനുള്‍ തന്റെ 11ാമത്തെ ടെസ്റ്റ് ശതകം ആണ് നേടിയത്. ബംഗ്ലാദേശിന് പുറത്ത് ഇത് താരത്തിന്റെ ആദ്യത്തെ ശതകം ആണ്. ഒന്നാം സെഷന്‍ അവസാനിക്കുമ്പോള്‍ നജ്മുള്‍ ഷാന്റോ 155 റണ്‍സും മോമിനുള്‍ ഹക്ക് 107 റണ്‍സും നേടിയാണ് ക്രീസിലുള്ളത്. ഇന്ന് ആദ്യ സെഷനില്‍ വിക്കറ്റ് നഷ്ടമില്ലാതെ 76 റണ്‍സാണ് ഇരുവരും ചേര്‍ന്ന് നേടിയത്.
