ഇംഗ്ലണ്ടില്‍ പര്യടനത്തിനായി പോകുന്ന പാക്കിസ്ഥാന്‍ ടീമിനൊപ്പം ചേരുവാന്‍ മുഹമ്മദ് അമീര്‍ നാളെ യാത്രയാകും. കഴിഞ്ഞ വര്‍ഷം ടെസ്റ്റില്‍ നിന്ന് വിരമിച്ച താരത്തെ ഏകദിന ടീമില്‍ പരിഗണിക്കുവാന്‍ ഇരുന്നതാണെങ്കിലും താരം വ്യക്തിഗത കാരണങ്ങള്‍ ചൂണ്ടിക്കാണിച്ച് പരമ്പരയില്‍ നിന്ന് വിട്ട് നില്‍ക്കുകയായിരുന്നു.
തന്റെ രണ്ടാം കുഞ്ഞിന്റെ ജനനവുമായി ബന്ധപ്പെട്ട കുടുംബത്തോടൊപ്പം ചെലവഴിക്കുവാന്‍ തീരുമാനിച്ച താരം കഴിഞ്ഞാഴ്ച കുഞ്ഞ് ജനിച്ച ശേഷം ടീമിനൊപ്പം ചേരുവാന്‍ സന്നദ്ധത പ്രകടിപ്പിക്കുകയായിരുന്നു. തുടര്‍ന്ന് താരത്തെ ഏതാനും ദിവസം മുമ്പ് കോവിഡ് ടെസ്റ്റിന് വിധേയനാക്കിയിരുന്നു. ആദ്യ ടെസ്റ്റും രണ്ടാം ടെസ്റ്റും നെഗറ്റീവായ താരം നാളെ ഇംഗ്ലണ്ടിലേക്ക് യാത്രയാകുമെന്നാണ് ലഭിയ്ക്കുന്ന വിവരം.
