റെക്കോര്‍ഡുകള്‍ തകര്‍ത്തെറി‍ഞ്ഞ് മിത്താലി

Sports Correspondent

Download the Fanport app now!
Appstore Badge
Google Play Badge 1

ഇന്ന് തന്റെ പുറത്താകാതെയുള്ള 75 റൺസിന്റെ ബലത്തിൽ ഇന്ത്യയെ വിജയത്തിലേക്ക് നയിച്ചപ്പോള്‍ മിത്താലി രാജ് മറികടന്നത് ഒട്ടനവധി നേട്ടം. അന്താരാഷ്ട്ര വനിത ക്രിക്കറ്റിൽ ഏറ്റവും അധികം റൺസ് നേടുന്ന താരമായി മിത്താലി രാജ് മാറി. 10337 റൺസാണ് മിത്താലി നേടിയത്.

പരമ്പരയിലെ മൂന്ന് മത്സരങ്ങളിലും അര്‍ദ്ധ ശതകം നേടിയ താരം ആറായിരം അന്താരാഷ്ട്ര റൺസ് നേടുന്ന ക്യാപ്റ്റനുമായി മാറി. ഇംഗ്ലണ്ടിന്റെ ചാര്‍ലട്ട് എഡ്വേര്‍ഡ്സിന് പിറകിൽ രണ്ടാമത്തെ താരമായി ഇന്ത്യന്‍ ക്യാപ്റ്റന്‍ മാറി.

ഇന്ത്യയ്ക്കായി ക്യാപ്റ്റനെന്ന നിലയിൽ 84 വിജയങ്ങളുമായി മിത്താലി വനിത ക്രിക്കറ്റിൽ ഏറ്റവും അധികം വിജയം നേടുന്ന ക്യാപ്റ്റനുമായി ഇന്നത്തെ വിജയത്തോടെ.