ന്യൂസിലാണ്ടിന് വേണ്ടി ട്രെന്റ് ബ്രിഡ്ജ് ടെസ്റ്റിൽ കളിച്ച ഓള്‍റൗണ്ടര്‍ മൈക്കൽ ബ്രേസ്‍വെൽ കോവിഡ് പോസിറ്റീവ്. ടെസ്റ്റ് മത്സരത്തിന് ശേഷമുള്ള പരിശോധനയിലാണ് താരം കോവിഡ് ബാധിതനാണെന്ന് കണ്ടെത്തിയത്. ഇതോടെ താരം ഐസൊലേഷനിലേക്ക് മാറി. ന്യൂസിലാണ്ട് നായകന്‍ കെയിന്‍ വില്യംസണും കോവിഡ് ബാധിതനായി രണ്ടാം ടെസ്റ്റിൽ കളിച്ചിരുന്നില്ല.
ലക്ഷണങ്ങളോട് കൂടി അടുത്ത ദിവസം എണീറ്റതിന് ശേഷം ബ്രേസ്‍വെൽ ആന്റിജന്‍ ടെസ്റ്റ് നടത്തിയെന്നും അതില്‍ പോസിറ്റീവാണെന്ന് കണ്ടെത്തുകയായിരുന്നുവെന്നും മീഡിയ റിലീസിൽ ബോര്‍ഡ് അറിയിച്ചു. താരം അഞ്ച് ദിവസത്തെ ഐസൊലേഷന് ശേഷം മാത്രമാകും ടീമിനൊപ്പം ചേരുക. ജൂൺ 23ന് ആണ് ലീഡ്സിൽ മൂന്നാമത്തെയും അവസാനത്തെയും ടെസ്റ്റ് ആരംഭിയ്ക്കുക.
