ഓസ്ട്രേലിയയ്ക്കായി തന്റെ അരങ്ങേറ്റ ടി20 മത്സരത്തിൽ ദക്ഷിണാഫ്രിക്കയ്ക്കെതിരെ നാല് വിക്കറ്റ് നേടിയ തന്‍വീര്‍ സംഗ മികച്ച പ്രതിഭയാണെന്ന് പറഞ്ഞ് ഓസ്ട്രേലിയന്‍ ക്യാപ്റ്റന്‍ മിച്ചൽ മാര്‍ഷ്. താരം സ്ക്വാഡിൽ ആദ്യമുണ്ടായിരുന്നില്ലെങ്കിലും തലേ ദിവസം ടീമിനൊപ്പം ചേര്‍ന്ന് ശേഷം അരങ്ങേറ്റ മത്സരത്തിൽ മിന്നും പ്രകനടമാണ് പുറത്തെടുത്തതെന്ന് മിച്ചൽ മാര്‍ഷ് വ്യക്തമാക്കി.
തന്റെ നാലോവറിൽ 31 റൺസ് നൽകിയാണ് സംഗ 4 വിക്കറ്റുകള്‍ നേടിയത്. എയ്ഡന്‍ മാര്‍ക്രം, ഡെവാൽഡ് ബ്രെവിസ്, ട്രിസ്റ്റന്‍ സ്റ്റബ്സ്, മാര്‍ക്കോ ജാന്‍സന്‍ എന്നിവരുടെ വിക്കറ്റാണ് സംഗ നേടിയത്. സംഗ ഓസ്ട്രേലിയ പ്രഖ്യാപിച്ച ആദ്യ ഇലവനില്ലായിരുന്നുവെങ്കിലും ആഡം സംപ അസുഖ ബാധിതനായ ശേഷമാണ് ടീമിലേക്ക് എത്തുന്നത്.
