primus mobile
primus mobile

മാര്‍ക്ക് വുഡ് ടെസ്റ്റ് ടീമില്‍, പരിക്കേറ്റ ഒല്ലി സ്റ്റോണിനു പകരക്കാരന്‍

വിന്‍ഡീസ് ടെസ്റ്റ് പരമ്പരയ്ക്കുള്ള ഇംഗ്ലണ്ട് ടീമില്‍ ഒരു മാറ്റം. മാര്‍ക്ക് വുഡ് ആണ് ടീമിലേക്ക് എത്തിയിരിക്കുന്നത്. ഒല്ലി സ്റ്റോണിനു പരിക്കേറ്റതിനെത്തുടര്‍ന്നാണ് ടീമിലേക്ക് മാര്‍ക്ക് വുഡിനെ ഉള്‍പ്പെടുത്തിയത്. കഴിഞ്ഞ വര്‍ഷം ലോര്‍ഡ്സില്‍ പാക്കിസ്ഥാനെതിരെയാണ് വുഡ് അവസാനമായി ഇംഗ്ലണ്ടിനു വേണ്ടി കളിച്ചത്. സ്റ്റോണിനു പകരം ജെയിംസ് ഓവര്‍ട്ടണെ പരിഗണിക്കുമെന്നാണ് പൊതുവേ കരുതപ്പെട്ടിരുന്നതെങ്കിലും വുഡിന്റെ ഉള്‍പ്പെടുത്തില്‍ വലിയൊരു അത്ഭുതമായാണ് ഇംഗ്ലണ്ട് ക്രിക്കറ്റ് വൃത്തങ്ങള്‍ വിലയിരുത്തുന്നത്.

ബാര്‍ബഡോസിലെ ആദ്യ ടെസ്റ്റിനു താരത്തെ പരിഗണിക്കുവാന്‍ സാധ്യതയില്ലെന്നാണ് അറിയുന്നത്. വാരാന്ത്യത്തില്‍ മാത്രമേ താരം വിന്‍ഡീസിലെത്തുകയുള്ളുവെന്നതാണ് കാരണം.