സിംഗപ്പൂര്‍ സ്മാഷ് 2023 ടേബിള്‍ ടെന്നീസ് മിക്സഡ് ഡബിള്‍സ് വിഭാഗത്തിന്റെ ക്വാര്‍ട്ടര്‍ ഫൈനലില്‍ കടന്ന് മണിക ബത്ര – സത്യന്‍ ജ്ഞാനശേഖരന്‍ കൂട്ടുകെട്ട്. സിംഗ്പൂരിന്റെ തന്നെ ക്ലാരന്‍സ് സെ യു ച്യൂ – ജിയാന്‍ സെംഗ് കൂട്ടുകെട്ടിനെ 3-1 എന്ന സ്കോറിനാണ് ഇന്ത്യന്‍ താരങ്ങള്‍ പരാജയപ്പെടുത്തിയത്.
11-7, 12-10, 9-11, 11-3 എന്ന സ്കോറിനായിരുന്നു വിജയം. ക്വാര്‍ട്ടറിൽ ലോക റാങ്കിംഗിൽ നാലാം സ്ഥാനക്കാരും നിലവിലെ ലോക ചാമ്പ്യന്‍ഷിപ്പ് വെള്ളി മെഡൽ ജേതാക്കളുമായ ജപ്പാന്റെ ടോമോകാസു ഹാരിമോട്ടോ – ഹിന ഹയാത്ത കൂട്ടുകെട്ടിനെ നേരിടും.
