ലോക്കി ഫെര്‍ഗുസണിന്റെ പരിക്ക് സ്ഥിരീകരിച്ച് ന്യൂസിലാണ്ട് ക്രിക്കറ്റ് ബോര്‍ഡ്. താരത്തിന് പാര്‍ഷ്യല്‍ സ്ട്രെസ്സ് ഫ്രാക്ച്ചറാണെന്നാണ് കണ്ടെത്തല്‍. കുറഞ്ഞത് നാല് മുതല്‍ ആറാഴ്ച വിശ്രമം താരത്തിന് ആവശ്യമാണെന്നും. അതിന് ശേഷം മാത്രമേ താരത്തിന്റെ പരിശീലനം ആരംഭിക്കുവാനാകുകയുള്ളുവെന്നുമാണ് പുറത്ത് വരുന്ന വിവരം.
വിന്‍ഡീസിനെതിരെ ടി20 പരമ്പരയ്ക്കിടെയാണ് താരത്തിന് പരിക്കറ്റത്. ഇതോടെ പാക്കിസ്ഥാന്‍ പരമ്പര താരത്തിന് നഷ്ടമാകും. താരത്തിന് ശസ്ത്രക്രിയ ആവശ്യമായി വരില്ലെന്നും വിശ്രമവും റീഹാബും താരത്തിനെ പഴയ സ്ഥിതിയില്‍ എത്തിയ്ക്കുമെന്നുമാണ് പ്രതീക്ഷിക്കുന്നത്.
