ലെജൻഡ്‌സ് ലീഗ് ക്രിക്കറ്റ് 2023 എലിമിനേറ്റർ മത്സരത്തിൽ, ദോഹയിലെ വെസ്റ്റ് എൻഡ് പാർക്ക് ഇന്റർനാഷണൽ ക്രിക്കറ്റ് സ്റ്റേഡിയത്തിൽ ഇന്ത്യ മഹാരാജാസിനെതിരെ ഏഷ്യ ലയൺസിന് നല്ല സ്കോർ. ടോസ് നേടി ആദ്യം ബാറ്റ് ചെയ്യാൻ തീരുമാനിച്ച ഏഷ്യ ലയൺസ് നിശ്ചിത 20 ഓവറിൽ 5 വിക്കറ്റ് നഷ്ടത്തിൽ 190 റൺസെടുത്തു. 31 പന്തിൽ 7 ബൗണ്ടറിയും ഒരു സിക്സും ഉൾപ്പെടെ 50 റൺസെടുത്ത ഉപുൽ തരംഗയാണ് ഏഷ്യ ലയൺസിന്റെ ടോപ് സ്കോറർ. മുഹമ്മദ് ഹഫീസും അസ്ഗർ അഫ്ഗാനും യഥാക്രമം 38, 33 റൺസ് സംഭാവന ചെയ്തു തിളങ്ങി.
3 ഓവറിൽ 37 റൺസ് വഴങ്ങി 2 വിക്കറ്റ് വീഴ്ത്തിയ സ്റ്റുവർട്ട് ബിന്നിയാണ് കുറച്ചെങ്കിലും ഇന്ത്യക്കായി ബൗൾ കൊണ്ട് തിളങ്ങിയത്. പ്രഗ്യാൻ ഓജ, പ്രവീൺ താംബെ എന്നിവരുൻ വിക്കറ്റ് എടുത്തു.
