അലിസ്റ്റര്‍ കുക്കിന്റെ റെക്കോര്‍ഡ് മറികടന്ന് ടോം ലാഥം

ടെസ്റ്റ് ക്രിക്കറ്റിലെ അത്യപൂര്‍വ്വമായ റെക്കോര്‍ഡിനു ഉടമയായി ടോം ലാഥം. ഇന്ന് ശ്രീലങ്കയ്ക്കെതിരെ 264 റണ്‍സുമായി പുറത്താകാതെ നിന്നാണ് ലാഥം അലിസ്റ്റര്‍ കുക്കിന്റെ പേരിലുണ്ടായിരുന്ന റെക്കോര്‍ഡ് മറികടന്നത്. 2017-18 സീസണില്‍ മെല്‍ബേണില്‍ ഇന്നിംഗ്സ് മുഴുവന്‍ ബാറ്റ് ചെയ്ത് പുറത്താകാതെ നിന്നപ്പോള്‍ ഓസ്ട്രേലിയയ്ക്കെതിരെ 244 റണ്‍സ് നേടിയ അലിസ്റ്റര്‍ കുക്കിന്റെ പേരിലുള്ള ഈ റെക്കോര്‍ഡാണ് ഇന്ന് ലാതം മറികടന്നത്.

ഇന്നിംഗ്സ് മുഴുവന്‍ ബാറ്റ് ചെയ്ത് പുറത്താകാതെ നില്‍ക്കുന്ന താരത്തിനുള്ള ഏറ്റവും ഉയര്‍ന്ന സ്കോറാണ് ന്യൂസിലാണ്ടിന്റെ ഇന്നിംഗ്സ് 578 റണ്‍സില്‍ അവസാനിച്ചപ്പോള്‍ ലാഥം സ്വന്തമാക്കിയത്.