വിലക്ക് അവസാനിക്കുന്നതിന് മുമ്പ് ഷാക്കിബിന്റെ പേര് ലങ്ക പ്രീമിയര്‍ ലീഗ് ലേലത്തില്‍

- Advertisement -

വിലക്ക് അവസാനിക്കുന്നതിന് മുമ്പ് തന്നെ ലങ്ക പ്രീമിയര്‍ ലീഗിന്റെ ലേലത്തില്‍ പങ്കെടുക്കുവാന്‍ പേര് നല്‍കി ബംഗ്ലാദേശ് താരം ഷാക്കിബ് അല്‍ ഹസന്‍. ഐസിസി ഏര്‍പ്പെടുത്തിയ ഒരു വര്‍ഷത്തെ വിലക്ക് ഒക്ടോബറില്‍ മാത്രം അവസാനിക്കുമെന്നിരിക്കെയാണ് ഷാക്കിബ് ലങ്ക പ്രീമിയര്‍ ലീഗില്‍ പങ്കെടുക്കുവാന്‍ തീരുമാനിച്ചിരിക്കുന്നത്.

ഒക്ടോബര്‍ 1നാണ് ലേലം നടക്കുക. ടൂര്‍ണ്ണമെന്റ് നവംബര്‍ 14 മുതല്‍ ഡിസംബര്‍ ആറ് വരെയാണ് നടക്കുക. അഞ്ച് ഫ്രാഞ്ചൈസികള്‍ ഉള്‍പ്പെടെ 23 മത്സരങ്ങളാണ് ടൂര്‍ണ്ണമെന്റില്‍ ഉണ്ടാകുക. ഏഷ്യന്‍ കറപ്ഷന്‍ യൂണിറ്റിനോട് സംസാരിച്ച ശേഷമാണ് താരത്തിന്റെ പേര് ലേലത്തില്‍ ചേര്‍ത്തതെന്നാണ് ബംഗ്ലാദേശ് ക്രിക്കറ്റ് ബോര്‍ഡ് സിഇഒ നിസാമ്മുദ്ദീന്‍ ചൗധരി പറയുന്നത്.

ഒക്ടോബര്‍ അവസാനം ആണ് ഷാക്കിബിന്റെ വിലക്ക് അവസാനിക്കുന്നത്. ടൂര്‍ണ്ണമെന്റ് ആരംഭിക്കുന്ന സമയത്തേക്ക് താരത്തിന്റെ വിലക്ക് മാറുമെന്നതിനാല്‍ തന്നെ ഇത് അത്ര വിഷയമുള്ള കാര്യമല്ലെന്നും ബംഗ്ലാദേശ് ക്രിക്കറ്റ് ബോര്‍ഡ് സിഇഒ വ്യക്തമാക്കി.

Advertisement