ബംഗ്ലാദേശ് താരങ്ങള്‍ക്ക് ലങ്ക പ്രീമിയര്‍ ലീഗില്‍ കളിക്കുവാന്‍ അനുമതി നല്‍കാനാകില്ലെന്ന് അറിയിച്ച് ബംഗ്ലാദേശ്. പ്രാദേശിക ക്രിക്കറ്റില്‍ തങ്ങളുടെ താരങ്ങള്‍ തിരക്കായിരിക്കുമെന്നും അതിനാല്‍ തന്നെ ലങ്ക പ്രീമിയര്‍ ലീഗിലേക്ക് താരങ്ങള്‍ക്ക് അനുമതി നല്‍കാനാകില്ലെന്നും പറഞ്ഞ് ബംഗ്ലാദേശ് ബോര്‍ഡ്.
പ്രധാനമായും ഷാക്കിബിന്റെ വിലക്കിന് ശേഷമുള്ള തിരിച്ചുവരവ് ലങ്ക പ്രീമിയര്‍ ലീഗിലാവും നടക്കുകയെന്നാണ് കരുതിയതെങ്കിലും ബോര്‍ഡിന്റെ ഈ തീരുമാനത്തോടെ കാര്യങ്ങള്‍ താരത്തിന് അവതാളത്തിലാവും. ഒക്ടോബര്‍ 1ന് നടക്കാനിരിക്കുന്ന ലേലത്തില്‍ 150 താരങ്ങളാണ് പങ്കെടുക്കുന്നത്.
നവംബര്‍ 14 മുതല്‍ ഡിസംബര്‍ 6 വരെയാണ് ടൂര്‍ണ്ണമെന്റ് നടക്കുക.
