നവംബര്‍ 14ന് ആരംഭിക്കേണ്ടിയിരുന്ന ലങ്ക പ്രീമിയര്‍ ലീഗ് 21ലേക്ക് മാറ്റി ശ്രീലങ്ക ക്രിക്കറ്റ് ബോര്‍ഡ്. സര്‍ക്കാര്‍ നിര്‍ദ്ദേശിച്ച ക്വാറന്റീന്‍ കാലം താരങ്ങള്‍ക്ക് പാലിക്കുവാന്‍ വേണ്ടിയാണ് ഈ നീക്കം. ഐപിഎലില്‍ പങ്കെടുക്കുന്ന വിദേശ താരങ്ങള്‍ക്കും പങ്കെടുക്കുവാന്‍ വേണ്ടിയാണ് ഈ മാറ്റം. ഇത് കൂടാതെ ഒക്ടോബര്‍ 1ന് നടക്കാനിരുന്ന പ്ലേയര്‍ ഡ്രാഫ്ട് ഒക്ടോബര്‍ 9 ലേക്ക് മാറ്റിയിട്ടുണ്ട്.
ഓഗസ്റ്റ് 28 മുതല്‍ സെപ്റ്റംബര്‍ 20 വരെ നടക്കാനിരുന്ന ടൂര്‍ണ്ണമെന്റ് പിന്നീട് കൊറോണയുടെ സാഹചര്യം പരിഗണിച്ചാണ് ഈ നവംബര്‍ 14ലിലേക്ക് മാറ്റിയത്. മൂന്ന് അന്താരാഷ്ട്ര വേദികളിലായാണ് എല്‍പിഎല്‍ നടക്കുക.
