ഓസ്ട്രേലിയയെ മുന്നോട്ട് നയിച്ച് ലാബൂഷാനെ സ്മിത്ത് കൂട്ടുകെട്ട്

Sports Correspondent

Download the Fanport app now!
Appstore Badge
Google Play Badge 1

സിഡ്നി ടെസ്റ്റിന്റെ ഒന്നാം ദിവസം മഴ വില്ലനായപ്പോള്‍ കളി നടന്നത് വെറും 55 ഓവര്‍ മാത്രം. ഇന്ന് ടോസ് നേടി ബാറ്റിംഗ് തിരഞ്ഞെടുത്ത ഓസ്ട്രേലിയയ്ക്ക് തുടക്കത്തില്‍ തന്നെ ഡേവിഡ് വാര്‍ണറെ നഷ്ടമായെങ്കിലും വില്‍ പുകോവസ്കിയും മാര്‍നസ് ലാബൂഷാനെയും ചേര്‍ന്ന് ടീമിനെ മുന്നോട്ട് നയിക്കുകയായിരുന്നു.

നൂറ് റണ്‍സ് കൂട്ടുകെട്ട് പൂര്‍ത്തിയാക്കിയ ഉടനെ 62 റണ്‍സ് നേടിയ വില്‍ പുകോവസ്കിയെ ഓസ്ട്രേലിയയ്ക്ക് നഷ്ടമായെങ്കിലും കൂടുതല്‍ വിക്കറ്റ് നഷ്ടമില്ലാതെ ടീമിനെ ലാബൂഷാനെ സ്മിത്ത് കൂട്ടുകെട്ട് മുന്നോട്ട് നയിക്കുകയായിരുന്നു.

60 റണ്‍സ് കൂട്ടുകെട്ടിന്റെ സഹായത്തോടെ ഓസ്ട്രേലിയ ഒന്നാം ദിവസം അവസാനിക്കുമ്പോള്‍ 2 വിക്കറ്റ് നഷ്ടത്തില്‍ 166 റണ്‍സാണ് നേടിയിട്ടുള്ളത്. 67 റണ്‍സുമായി മാര്‍നസ് ലാബൂഷാനെയും 31 റണ്‍സ് നേടി സ്റ്റീവ് സ്മിത്തുമാണ് ആതിഥേയര്‍ക്കായി ക്രീസിലുള്ളത്. ഇന്ത്യയ്ക്കായി മുഹമ്മദ് സിറാജും നവ്ദീപ് സൈനിയും ഓരോ വിക്കറ്റ് നേടി.