ഇംഗ്ലണ്ടിനെതിരെയുള്ള ടെസ്റ്റ് പരമ്പരയ്ക്ക് മുമ്പ് ന്യൂസിലാണ്ടിന് തിരിച്ചടി. നീണ്ട് നാളിന് ശേഷം ടെസ്റ്റിലേക്ക് തിരികെയെത്തിയ കൈൽ ജാമിസൺ രണ്ട് ടെസ്റ്റ് മത്സരങ്ങളുടെ പരമ്പരയിൽ പുറത്തിനേറ്റ പരിക്ക് കാരണം കളിക്കില്ല എന്ന റിപ്പോര്‍ട്ട് പുറത്ത് വരുമ്പോള്‍ സഹ പേസര്‍ മാറ്റ് ഹെന്‍റിയ്ക്ക് ആദ്യ ടെസ്റ്റ് നഷ്ടമാകും. താരത്തിന്റെ ആദ്യ കുഞ്ഞിന്റെ ജനനം കാരണം ആണ് താരം ആദ്യ ടെസ്റ്റിനില്ലാത്തത്.
പകരം ജേക്കബ് ഡഫി, സ്കോട്ട് കുജ്ജെലൈന്‍ എന്നിവരെ ടീമില്‍ ഉള്‍പ്പെടുത്തിയിട്ടുണ്ട്. ജാമിസൺ ഇംഗ്ലണ്ടിനെതിരെയുള്ള സന്നാഹ മത്സരത്തിൽ കളിച്ച ശേഷം നടത്തിയ സ്കാനിലാണ് പരിക്ക് കണ്ടെത്തിയത്.
ഫെബ്രുവരി 16ന് ആണ് ആദ്യ ടെസ്റ്റ് ആരംഭിയ്ക്കുന്നത്.
