ഇന്ത്യക്ക് എതിരെ തിളങ്ങിയ ലിറ്റൺ ദാസിന് ബാറ്റ് സമ്മാനിച്ച് കോഹ്ലി

അഡ്‌ലെയ്ഡിൽ ബംഗ്ലാദേശിനെതിരായ ടി20 ലോകകപ്പ് മത്സരത്തിന് ശേഷം വിരാട് കോഹ്ലി ബംഗ്ലാദേശ് താരം ലിറ്റൺ ദാസിന് ബാറ്റ് സമ്മാനിച്ചു. ഇന്ത്യക്ക് എതിരായ ലിറ്റന്റെ ഇന്നിങ്സ് ഏവരുടെയും മനസ്സ് കവർന്നിരുന്നു. താരത്തിന് പ്രചോദനമായാണ് കോഹ്ലി തന്റെ ബാറ്റ് താരത്തിന് സമ്മാനിച്ചത്.

കോഹ്ലി 22 11 02 18 07 06 501

ലിറ്റൺ ഇന്ത്യക്ക് എതിരെ 21 പന്തിൽ അർദ്ധ സെഞ്ച്വറി നേടിയിരുന്നു. 27 പന്തിൽ 60 റൺസെടുത്ത ലിറ്റൺ ഔട്ട് ആയതായിരുന്നു മത്സരം ഇന്ത്യയുടെ വഴിയിലേക്ക് ആകാൻ കാരണം. ബംഗ്ലാദേശ് ക്രിക്കറ്റ് ബോർഡ് (ബിസിബി) ക്രിക്കറ്റ് ഓപ്പറേഷൻസ് ചെയർമാൻ ജലാൽ യൂനുസ് കോഹ്ലി ബാറ്റ് സമ്മാനിച്ച് കാര്യം സ്ഥിരീകരിച്ചു.

“ഞങ്ങൾ ഡൈനിംഗ് ഹാളിൽ ഇരിക്കുമ്പോൾ ആണ് വിരാട് കോഹ്‌ലി വന്ന് ലിറ്റണിന് ഒരു ബാറ്റ് സമ്മാനിച്ചത്. എന്റെ അഭിപ്രായത്തിൽ, ഇത് ലിറ്റണിന് പ്രചോദനം നൽകുന്ന ഒരു നിമിഷമായിരിക്കും ,” ജലാൽ യൂനസ് പറഞ്ഞു