കോഹ്ലി അടക്കമുള്ള താരങ്ങൾ നാളെ ഇംഗ്ലണ്ടിലേക്ക് തിരിക്കും

Newsroom

Picsart 23 05 22 18 09 46 755
Download the Fanport app now!
Appstore Badge
Google Play Badge 1

ഓസ്‌ട്രേലിയയ്‌ക്കെതിരായ ലോക ടെസ്റ്റ് ചാമ്പ്യൻഷിപ്പ് ഫൈനലിന് തയ്യാറെടുക്കാൻ ആയി കോഹ്ലി അടക്കമുള്ള ഇന്ത്യൻ താരങ്ങളിൽ ചിലർ നാളെ ഇംഗ്ലണ്ടിലേക്ക് യാത്ര തിരിക്കും. ഐ പി എല്ലിൽ പ്ലേ ഓഫ് കാണാതെ പുറത്ത് പോയ താരങ്ങൾ ആയ വിരാട് കോഹ്‌ലി, രവിചന്ദ്രൻ അശ്വിൻ, ഉമേഷ് യാദവ്, മുഹമ്മദ് സിറാജ് തുടങ്ങിയ ഇന്ത്യൻ താരങ്ങൾ ആണ് ചൊവ്വാഴ്ച ഇംഗ്ലണ്ടിലേക്ക് പോകുന്നത്.

കോഹ്ലി 23 05 22 18 10 09 361

ക്യാപ്റ്റൻ രോഹിത് ശർമ്മ, ഇഷാൻ കിഷൻ, അജിങ്ക്യ രഹാനെ, ശുഭ്മാൻ ഗിൽ, മുഹമ്മദ് ഷമി തുടങ്ങി ബാക്കി ടീം ഐപിഎൽ സീസൺ കഴിഞ്ഞ ശേഷമാകും ഇംഗ്ലണ്ടിലേക്ക് പോവുക. വിരാട് കോഹ്‌ലിയുടെയും മുഹമ്മദ് സിറാജിന്റെയും ടീമായ റോയൽ ചലഞ്ചേഴ്‌സ് ബാംഗ്ലൂർ ഇന്നലെയോടെ പുറത്തായിരുന്നു. റിസർവ് ടീമിൽ ഉള്ള മുകേഷ് കുമാറും, ടീം ഇന്ത്യയുടെ നെറ്റ് ബൗളർമാരായി തിരഞ്ഞെടുക്കപ്പെട്ട ആകാശ് ദീപ്, അനികേത് ചൗധരി, യാര പൃഥ്വിരാജ് എന്നിവരും നാളെ ഇംഗ്ലണ്ടിൽ എത്തും. ചേതേശ്വര് പൂജാര ഇതിനകം തന്നെ ഇംഗ്ലണ്ടിലുണ്ട്.