ഓസ്ട്രേലിയന്‍ ക്രിക്കറ്റ് ചരിത്രത്തില്‍ ഏകദിനത്തില്‍ ഒരു താരം പോലും തുടര്‍ച്ചയായ മൂന്ന് ഏകദിന ശതകങ്ങള്‍ നേടിയിട്ടില്ല. ഈ മാര്‍ച്ച് മാസം മാത്രം രണ്ട് താരങ്ങള്‍ക്കാണ് ഈ റെക്കോര്‍ഡ് തെല്ലിട വ്യത്യാസത്തില്‍ നഷ്ടമായത്. ഉസ്മാന്‍ ഖവാജയും ആരോണ്‍ ഫിഞ്ചുമാണ് തുടര്‍ച്ചയായ മൂന്ന് ഏകദിന ശതകങ്ങളെന്ന നേട്ടം കൈവിട്ടത്.
ഫിഞ്ച് ഇന്നലെ പാക്കിസ്ഥാനെതിരെ 90 റണ്‍സിനു പുറത്തായപ്പോളാണ് ചരിത്ര നേട്ടം കൈവിട്ടത്. ആദ്യ രണ്ട് മത്സരങ്ങള്‍ 116, 153* എന്നീ സ്കോറുകള്‍ താരം നേടിയിരുന്നു. അതേ സമയം ഈ മാസം തന്നെയാണ് ഉസ്മാന്‍ ഖവാജ ഇന്ത്യയ്ക്കെതിരെ ഇതേ നേട്ടം കൈവിട്ടത്. അവസാന മൂന്ന് മത്സരങ്ങളില്‍ 104, 91, 100 എന്നീ സ്കോറുകളാണ് താരം നേടിയത്.
