2023 സീസണിൽ കേശവ് മഹാരാജിന്റെ സേവനം ഉറപ്പാക്കി കൗണ്ടി ക്ലബായ മിഡിൽസെക്സ്. ഇത് ക്ലബിന്റെ രണ്ടാമത്തെ വിദേശ സൈനിംഗ് ആണ്. ദക്ഷിണാഫ്രിക്കന്‍ താരം പീറ്റര്‍ മലന്‍ ആണ് മിഡിൽസെക്സ് നേരത്തെ സ്വന്തമാക്കിയ മറ്റൊരു വിദേശ താരം.
കൗണ്ടി ചാമ്പ്യന്‍ഷിപ്പിലും ടി ബ്ലാസ്റ്റിലും കേശവ് മഹാരാജ് കളിക്കാനുണ്ടാവും. കൗണ്ടിയിലെ ആദ്യ രണ്ട് മത്സരങ്ങള്‍ താരത്തിന് നഷ്ടമാകുമെങ്കിലും എട്ട് മത്സരങ്ങളിൽ താരം കളിക്കുമെന്നാണ് അറിയുന്നത്. ദക്ഷിണാഫ്രിക്കയ്ക്കായി മൂന്ന് ഫോര്‍മാറ്റിലായി നൂറിലധികം മത്സരങ്ങള്‍ കളിച്ച താരമാണ് കേശവ് മഹാരാജ്.
താരത്തിന്റെ സാന്നിദ്ധ്യം ടീമിലെ യുവ സ്പിന്നര്‍മാര്‍ക്ക് ഗുണകരമാകുമെന്നാണ് കരുതുന്നതെന്ന് മിഡിൽസെക്സ് ഡയറക്ടര്‍ ഓഫ് ക്രിക്കറ്റ് അലന്‍ കോളെമാന്‍ വ്യക്തമാക്കി.
