ഗ്ലാമോര്‍ഗനില്‍ ഷോണ്‍ മാര്‍ഷിനു പകരക്കാരനെത്തി

- Advertisement -

പരിക്കേറ്റ് സീസണ്‍ മതിയാക്കി നാട്ടിലേക്ക് മടങ്ങിയ ഷോണ്‍ മാര്‍ഷിനു പകരം ടീമില്‍ ജോ ബേണ്‍സിനെ ഉള്‍പ്പെടുത്തി ഗ്ലാമോര്‍ഗന്‍. ടീമിലെ മറ്റൊരു ഓവര്‍സീസ് താരം ഉസ്മാന്‍ ഖ്വാജയ്ക്കൊപ്പം ജോ ബേണ്‍സ് ഗ്ലാമോര്‍ഗിനു കരുത്തേകും. വെള്ളിയാഴ്ച സോമര്‍സെറ്റുമായുള്ള ടി20 ബ്ലാസ്റ്റ് മത്സരത്തില്‍ ബേണ്‍സ് കളിക്കുമെന്നാണ് പ്രതീക്ഷിക്കപ്പെടുന്നത്. എന്നാല്‍ ടീം ഫൈനലിലേക്ക് യോഗ്യത നേടിയാല്‍ താരത്തിന്റെ സേവനം ലഭിക്കുകയില്ല.

സെപ്റ്റംബര്‍ 16നു ആരംഭിക്കുന്ന ഓസ്ട്രേലിയയിലെ ജെഎല്‍ടി വണ്‍-ഡേ കപ്പില്‍ പങ്കെടുക്കാന്‍ താരം മടങ്ങുന്നതിനാലാണ്. എന്നാല്‍ ബേണ്‍സ് ടീമിനു വേണ്ടി ഫസ്റ്റ് ക്ലാസ് ക്രിക്കറ്റ് കളിക്കുകയില്ലെന്നാണ് ഗ്ലാമോര്‍ഗന്‍ അറിയിച്ചിരിക്കുന്നത്. താരത്തിന്റെ സേവനം ടി20യില്‍ മാത്രമാണുണ്ടാവുക. കൗണ്ടി സീസണില്‍ മാര്‍ഷിനു പകരക്കാരനെ ഉടന്‍ ഗ്ലാമോര്‍ഗന്‍ പ്രഖ്യാപിക്കുമെന്നാണ് കരുതുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement