ഇംഗ്ലണ്ടിനെതിരെ വിന്‍ഡീസിന്റെ വിജയത്തില്‍ നിര്‍ണ്ണായക പങ്കുവഹിച്ച താരമാണ് ജെര്‍മൈന്‍ ബ്ലാക്ക്വുഡ്. താരത്തിന് തന്റെ ശതകം നഷ്ടമായെങ്കിലും ടീമിന്റെ വിജയം ഒരുക്കുന്നതിലെ നിര്‍ണ്ണായക പങ്കാണ് ബ്ലാക്ക്വുഡ് വഹിച്ചത്. 200 റണ്‍സ് ലക്ഷ്യം തേടിയിറങ്ങിയ വിന്‍ഡീസ് 27/3 എന്ന നിലയില്‍ പ്രതിരോധത്തില്‍ നല്‍ക്കുമ്പോളാണ് 95 റണ്‍സുമായി ബ്ലാക്ക്വുഡ് വിജയ ശില്പിയായത്.
തന്റെ സ്വതസിദ്ധമായ ശൈലിയെ പിടിച്ചുകെട്ടുക എന്നത് ഏറെ പ്രയാസകരമായ കാര്യമല്ലായിരുന്നുവെന്നും താന്‍ ഏറെ കാലമായി ക്രിക്കറ്റ് കളിക്കാത്തതിനാല്‍ തന്നെ ശ്രദ്ധയോടെ കളിക്കുമെന്ന് താന്‍ തീരുമാനിച്ചിരുന്നതായും താരം വ്യക്തമാക്കി. ശതകം നേടാനാകാതെ പുറത്താകേണ്ടി വന്നതില്‍ ഏറെ ദുഖമുണ്ടെന്നും താരം വ്യക്തമാക്കി.
നൂറോ ഇരുനൂറോ പന്തുകള്‍ താന്‍ നേരിടുകയാണെങ്കില്‍ തനിക്ക് റണ്‍സ് നേടാനാകുമെന്ന് വിശ്വാസം ഉണ്ടായിരുന്നുവെന്നും ജെര്‍മൈന്‍ ബ്ലാക്ക്വുഡ് വ്യക്തമാക്കി.
