രവീന്ദ്ര ജഡേജക്ക് രണ്ടാം ടെസ്റ്റ് നഷ്ടമാകും എന്ന് റിപ്പോർട്ടുകൾ. ഇന്ത്യയുടെ ഒന്നാം നമ്പർ ഓൾറൗണ്ടർ ആയ ജഡേജയ്ക്ക് രണ്ടാം ഇന്നിങ്സിക് ബാറ്റു ചെയ്യുന്നതിന് ഇടയിൽ ഹാംസ്ട്രിംഗ് ഇഞ്ച്വറിയേറ്റതായാണ് റിപ്പോർട്ടുകൾ. താരത്തിന് കൂടുതൽ ടെസ്റ്റുകൾ നടത്തിയ ശേഷം മാത്രമെ റിപ്പോർട്ടുകൾ വരികയുള്ളൂ. എങ്കിലും അടുത്ത മത്സരത്തിൽ ജഡേജയ്ക്ക് വിശ്രമം നൽകും എന്നാണ് റിപ്പോർട്ടുകൾ.
87 റൺസുമായി ഇന്ത്യയുടെ ആദ്യ ഇന്നിംഗ്‌സിലെ ടോപ് സ്‌കോററായിരുന്നു ജഡേജ. ഒപ്പം രണ്ട് ഇന്നിംഗ്‌സുകളിലായി അഞ്ച് വിക്കറ്റ് വീഴ്ത്തുകയും ചെയ്‌തു. പരിക്ക് സാരമുള്ളതാണോ എന്ന് അറിയില്ല എന്ന് ഇന്ത്യൻ പരിശീലകൻ ദ്രാവിഡ് പറഞ്ഞു.
“എനിക്ക് ഇതുവരെ ഫിസിയോയോട് സംസാരിക്കാൻ അവസരം ലഭിച്ചിട്ടില്ല. തിരിച്ചെത്തിയാൽ ഞാൻ അദ്ദേഹത്തോട് സംസാരിച്ച് പരിക്ക് എത്ര സീനിയർ ആണെന്ന് നോക്കാം,” എന്ന് മത്സരത്തിന് ശേഷമുള്ള മാധ്യമ സമ്മേളനത്തിൽ ദ്രാവിഡ് പറഞ്ഞു. ഫെബ്രുവരി 2 ന് വിശാഖപട്ടണത്ത് ആണ് രണ്ടാം ടെസ്റ്റ് ആരംഭിക്കുക.
