ഇഷാന്‍ കിഷന്‍ ബോര്‍ഡ് പ്രസിഡന്റ്സ് ഇലവനെ നയിക്കും, രണ്ട് സന്നാഹ മത്സരങ്ങളും തിരുവനന്തപുരത്ത്

അനന്തപുരിയില്‍ ഇംഗ്ലണ്ട് ലയണ്‍സിനെ നേരിടുവാനുള്ള ബോര്‍ഡ് പ്രസിഡന്റ്സ് ഇലവന്റെ 13 അംഗ സംഘത്തെ പ്രഖ്യാപിച്ചു. ജനുവരി 18നും ജനുവരി 20നുമാണ് തിരുവനന്തപുരത്ത് മത്സരങ്ങള്‍ അരങ്ങേറുക. ടീമിനെ ഇഷാന്‍ കിഷന്‍ നയിക്കും. രഞ്ജി ക്വാര്‍ട്ടര്‍ ഫൈനലില്‍ കടന്ന ടീമിലെ അംഗങ്ങളെ മത്സരങ്ങള്‍ക്കായി പരിഗണിച്ചിട്ടില്ല.

ഏകദിന, അനൗദ്യോഗിക ടെസ്റ്റ് മത്സരങ്ങള്‍ക്ക് മുമ്പുള്ള സന്നാഹ മത്സരമായാണ് ഈ മത്സരങ്ങളെ കാണുന്നത്.

ബോര്‍ഡ് പ്രസിഡിന്റ്സ് ഇലവന്‍: ഇഷാന്‍ കിഷന്‍, റുതുരാജ് ഗായക്വാഡ്, അന്മോല്‍പ്രീത് സിംഗ്, ദീപക് ഹൂഡ, രജത് പടിഡാര്‍, റിക്കി ഭുയി, ഹിമ്മത് സിംഗ്, മയാംഗ് മാര്‍ക്കണ്ടേ, ജയന്ത് യാദവ്, പപ്പു റോയ്, പങ്ക് ജൈസ്വാല്‍, തുഷാര്‍ ദേശ്പാണ്ടേ, നവദീപ് സൈനി