ഐപിഎലിനിടെ പരിക്കേറ്റ ഇന്ത്യന്‍ താരം കെഎൽ രാഹുലിന് പകരം ലോക ടെസ്റ്റ് ചാമ്പ്യന്‍ഷിപ്പിന്റെ ഫൈനലിനുള്ള ടീമിലേക്കുള്ള താരത്തെ പ്രഖ്യാപിച്ച് ബിസിസിഐ. ഇഷാന്‍ കിഷനാണ് രാഹുലിന് പകരം ടീമിലക്ക് എത്തുന്നത്. രാഹുല്‍ ശസ്ത്രക്രിയയ്ക്ക് വിധേയനാകുമെന്നാണ് അറിയുന്നത്.
ഉമേഷ് യാദവും ജയ്ദേവ് ഉനഡ്കടും പരിക്കിന്റെ പിടിയിലാണെങ്കിലും ഇരുവരും ഇപ്പോള്‍ സ്ക്വാഡിൽ തുടരും. റുതുരാജ് ഗായക്വാഡ്, മുകേഷ് കുമാര്‍ , സൂര്യകുമാര്‍ യാദവ് എന്നിവരെ സ്റ്റാന്‍ഡ്ബൈ ആയും പ്രഖ്യാപിച്ചിട്ടുണ്ട്.
