റെക്കോർഡ് തകർത്ത് ഇറാ ജാദവ്!! U19 ഏകദിനത്തിൽ 14കാരിക്ക് ട്രിപ്പിൾ സെഞ്ച്വറി
ട്രിപ്പിൾ സെഞ്ച്വറി നേടുന്ന ആദ്യ ഇന്ത്യൻ വനിതാ ക്രിക്കറ്റ് താരമായി പതിനാലുകാരിയായ ഇറ ജാദവ് ചരിത്രം സൃഷ്ടിച്ചു. ബാംഗ്ലൂരിലെ ആളൂർ ക്രിക്കറ്റ് സ്റ്റേഡിയത്തിൽ മുംബൈയും മേഘാലയയും തമ്മിലുള്ള വനിതാ അണ്ടർ 19 ഏകദിന ട്രോഫി മത്സരത്തിനിടെ 157 പന്തിൽ 42 ഫോറും 16 സിക്സും ഉൾപ്പെടെ പുറത്താകാതെ 346 റൺസ് നേടിയാണ് അവിശ്വസനീയമായ പ്രകടനം ഇറ നടത്തിയത്.
ബിസിസിഐ ലിമിറ്റഡ് ഓവർ ടൂർണമെൻ്റുകളിൽ പുരുഷ-വനിതാ ഫോർമാറ്റുകളിലായുള്ള ആദ്യ ട്രിപ്പിൾ സെഞ്ചുറിയാണിത്. ഇറയുടെ റെക്കോർഡ് ഭേദിച്ച ഇന്നിംഗ്സ് മുംബൈയെ 563/3 എന്ന കൂറ്റൻ സ്കോറിലേക്ക് നയിച്ചു, ഇത് ഇന്ത്യൻ വനിതാ ആഭ്യന്തര ക്രിക്കറ്റ് ചരിത്രത്തിലെ ഏറ്റവും ഉയർന്ന സ്കോറാണ്.
വിമൻസ് പ്രീമിയർ ലീഗ് 2025 ലേലത്തിൽ വിറ്റുപോകാതെ പോയ താരമായിരുന്നു ഇറ.