ഓള്‍റൗണ്ടര്‍ എന്ന് വിളിക്കപ്പെടുന്നത് സന്തോഷം നല്‍കുന്ന കാര്യം

- Advertisement -

റഷീദ് ഖാന്‍ ലോകം പേടിക്കുന്ന സ്പിന്നര്‍ ആണെങ്കിലും താരത്തില്‍ നിന്ന് തകര്‍പ്പന്‍ ബാറ്റിംഗ് പ്രകടനങ്ങള്‍ പലപ്പോഴും ഉണ്ടായിട്ടുണ്ട്. അത് ഐപിഎലിലും ബിഗ് ബാഷിലും മാത്രമല്ല ദേശീയ ടീമിനു വേണ്ടി കളിക്കുമ്പോളും റഷീദ് ഖാന്‍ പലപ്പോഴും അടിച്ച് തകര്‍ക്കാറുണ്ട്. തന്നെ ഓള്‍റൗണ്ടര്‍ എന്ന് ആളുകള്‍ വിളിക്കുന്നത് കേള്‍ക്കുമ്പോള്‍ സന്തോഷമുണ്ടെന്നാണ് റഷീദ് ഖാന്‍ വ്യക്തമാക്കിയത്. താന്‍ എല്ലാക്കാലവും തന്റെ ബാറ്റിംഗ് മെച്ചപ്പെടുത്തുവാന്‍ ശ്രമിക്കാറുണ്ട്.

2016ല്‍ ദേശീയ ടീമിലെത്തിയപ്പോള്‍ മുതല്‍ താന്‍ അന്നത്തെ അഫ്ഗാനിസ്ഥാന്‍ കോച്ച് ഇന്‍സമാമിനോട് താന്‍ ഒരു യഥാര്‍ത്ഥ ബാറ്റ്സ്മാനാണെന്ന് പറയുമായിരുന്നു. എന്നാല്‍ അദ്ദേഹം അത് ഒരിക്കലും ഗൗനിച്ചില്ല. അതിനാല്‍ തന്നെ അത് മനസ്സിലുള്ളതിനാല്‍ ഞാനെന്റെ ബാറ്റിംഗ് എന്നും മെച്ചപ്പെടുത്തുവാന്‍ ശ്രമിച്ചിട്ടുണ്ടന്ന് റഷീദ് ഖാന്‍ വ്യക്തമാക്കി. ഇനിയും താന്‍ തന്റെ ബാറ്റിംഗില്‍ മികച്ച പ്രകടനം പുറത്തെടുക്കുമെന്നാണ് തന്റെ വിശ്വാസമെന്നും അതിനാല്‍ തന്നെ ബാറ്റിംഗ് മെച്ചപ്പെടുത്തുവാനുള്ള ശ്രമങ്ങള്‍ തുടരുക തന്നെ ചെയ്യുമെന്നും റഷീദ് വ്യക്തമാക്കി.

Advertisement