പരിശീലനത്തിനിടെ പരിക്കേറ്റ ന്യൂസിലാണ്ട് പേസര്‍ മാറ്റ് ഹെന്‍റി വിന്‍ഡീസിനെതിരെയുള്ള പരമ്പരയില്‍ കളിക്കുക സംശയത്തില്‍. പ്ലങ്കറ്റ് ഷീല്‍ഡ് പരമ്പരയ്ക്കിടെ നെറ്റ്സിലെ പരിശീലനത്തില്‍ ബാറ്റ് ചെയ്യുന്നതിനിടയിലാണ് താരത്തിന്റെ വലത് കൈയ്യുടെ തള്ള വിരലിന് പൊട്ടലുണ്ടായത്.
നാല് മുതല്‍ ആറ് ആഴ്ച വരെയെങ്കിലും പരിക്ക് ഭേദമാകുവാന്‍ ആവശ്യമായി വരുമെന്നാണ് അറിയുന്നത്. ഇതോടെ താരം വിന്‍ഡീസിനെതിരെയുള്ള പരമ്പരയില്‍ കളിക്കുന്ന കാര്യം സംശയത്തിലായി. ന്യൂസിലാണ്ടും വിന്‍ഡീസുമായുള്ള ടി20 പരമ്പര നവംബര്‍ 27ന് ആരംഭിക്കും. രണ്ട് മത്സരങ്ങള്‍ അടങ്ങിയ ടെസ്റ്റ് പരമ്പര ഡിസംബര്‍ മൂന്നിനാണ് തുടങ്ങുന്നത്.
