ഡി വില്ലിയേഴ്സിനു പുറമേ ഫാഫ് ഡു പ്ലെസിയ്ക്കും പരിക്ക്

ഇന്ത്യയ്ക്കെതിരെയുള്ള ഏകദിനങ്ങളില്‍ നിന്നും ടി20 പരമ്പരയില്‍ നിന്നും ദക്ഷിണാഫ്രിക്കന്‍ നായകന്‍ ഫാഫ് ഡു പ്ലെസി പിന്മാറി. ഇന്ത്യയ്ക്കെതിരെ ഡര്‍ബനില്‍ തന്റെ ശതകം നേടുന്നതിനിടയില്‍ കൈവിരലിനേറ്റ പരിക്കാണ് ഫാഫിനെ ശേഷിക്കുന്ന മത്സരങ്ങളില്‍ നിന്ന് വിട്ട് നില്‍ക്കുവാന്‍ പ്രേരിപ്പിക്കുന്നത്. ആദ്യ മത്സരത്തില്‍ ഇന്ത്യ 6 വിക്കറ്റിന്റെ ജയം സ്വന്തമാക്കിയിരുന്നു. ഉടന്‍ തന്നെ ദക്ഷിണാഫ്രിക്കയുടെ പകരം നായകനെ ബോര്‍ഡ് പ്രഖ്യാപിക്കുമെന്ന് അറിയിച്ചിട്ടുണ്ട്.

ഫാഫിനു പകരം ഓള്‍റൗണ്ടര്‍ ഫര്‍ഹാന്‍ ബെഹര്‍ദ്ദീനെ ടീമില്‍ ഉള്‍പ്പെടുത്തിയിട്ടുണ്ട്. നേരത്തെ പരിക്കേറ്റ എബിഡി പരമ്പരയിലെ ആദ്യ മൂന്ന് മത്സരങ്ങളില്‍ നിന്ന് വിട്ട് നില്‍ക്കുകയായിരുന്നു. മാര്‍ച്ച് 1നു ഓസ്ട്രേലിയയ്ക്കെതിരെയുള്ള ആദ്യ ടെസ്റ്റിനു തയ്യാറെടുക്കാനായി ഫാഫ് ആവശ്യത്തിനു വിശ്രമവും റീഹാബിലും ഉടന്‍ തന്നെ ഏര്‍പ്പെടുമെന്നാണ് അറിയുവാന്‍ കഴിയുന്നത്.

കൂടുതൽ കായിക വാർത്തകൾക്ക് : www.facebook.com/FanportOfficial