5 സെഷനുകള്‍ അവശേഷിക്കെ വിന്‍ഡീസില്‍ പരമ്പര വിജയത്തിനായി ഇന്ത്യ നേടേണ്ടത് 6 വിക്കറ്റുകള്‍. ഇന്ന് നാലാം ദിവസം ഉച്ച ഭക്ഷണത്തിനായി ടീമുകള്‍ പിരിയുമ്പോള്‍ വിന്‍ഡീസ് 145/4 എന്ന നിലയിലാണ്. ഷമാര്‍ ബ്രൂസ്സ്(36*), ജെര്‍മൈന്‍ ബ്ലാക്ക്വുഡ്(33*) എന്നിവരാണ് ക്രീസില്‍ നില്‍ക്കുന്നത്. ഡാരെന്‍ ബ്രാവോയെ പരിക്കേറ്റതിനെത്തുടര്‍ന്ന് വിന്‍ഡീസിന് നഷ്ടമാകുകയായിരുന്നു. ബ്രാവോയ്ക്ക് പരിക്കേറ്റപ്പോളാണ് കണ്‍കഷന്‍ സബ്സ്റ്റിറ്റ്യൂട്ടായി ജെര്‍മൈന്‍ ബ്ലാക്ക്വുഡ് ക്രീസിലെത്തിയത്.
ഇഷാന്ത് ശര്‍മ്മ ഷിമ്രണ്‍ ഹെറ്റ്മ്യറിനെ പുറത്താക്കിയപ്പോള്‍ രവീന്ദ്ര ജഡേജയ്ക്കാണ് റോഷ്ടണ്‍ ചേസിന്റെ വിക്കറ്റ്. ജയത്തിനായി വിന്‍ഡീസ് 323 റണ്‍സ് കൂടി നേടേണ്ടതുണ്ട്.
