വെള്ളിയാഴ്ച ഓഗസ്റ്റ് 16ന് പാക്കിസ്ഥാന്‍ ക്രിക്കറ്റ് ബോര്‍ഡിന്റെ ഔദ്യോഗിക ഇമെയിലിലേക്ക് ഒരു ഭീഷണി സന്ദേശം എത്തി. അത് വിന്‍ഡീസ് പര്യടനത്തിലുള്ള ഇന്ത്യന്‍ ടീമിനെതിരെ ആക്രമണമുണ്ടാകുമെന്നായിരുന്നു. പാക്കിസ്ഥാന്‍ ബോര്‍ഡ് ഉടനടി അത് ഐസിസിയ്ക്ക് അയയ്ക്കുകയും ഐസിസി അത് ഇന്ത്യന്‍ ബോര്‍ഡായ ബിസിസിഐയ്ക്ക് കോപ്പിയായി അയയ്ക്കുകയും ചെയ്തു. സംഭവം ബിസിസിഐ കേന്ദ്ര മന്ത്രാലയത്തെ അറിയിക്കുകയും ആന്റിഗ്വയിലെ ഇന്ത്യന്‍ എംബസിയുമായി ബന്ധപ്പെട്ടുവെന്നുമാണ് അറിയുന്നത്.
ഇത്തരത്തിലൊരു ഇമെയില്‍ വന്നുവെന്നത് ബിസിസിഐ സമ്മതിച്ചിട്ടുണ്ട്. ഇന്ത്യന്‍ ക്രിക്കറ്റര്‍മാരെ കൊല്ലുമെന്നാണ് സന്ദേശത്തിലെ ഉള്ളടക്കം. ഇന്ത്യന്‍ ടീമിന്റെ സുരക്ഷ വര്‍ദ്ധിപ്പിച്ചിട്ടുണ്ടെന്നും ബിസിസിഐ അറിയിച്ചു. എന്നാല്‍ സന്ദേശം വ്യാജമാണെന്നാണ് വിലയിരുത്തല്‍.
