രാജസ്ഥാന്‍ റോയൽസിനെതിരെ അവസാന ഓവറിലെ വിവാദ നിമിഷങ്ങള്‍ ശരിയായ തീരുമാനം ആയിരുന്നില്ലെന്ന് പറഞ്ഞ് ഡൽഹി ക്യാപിറ്റൽസ് നായകന്‍ ഋഷഭ് പന്ത്, എന്നാൽ തങ്ങള്‍ക്കെതിരെ വന്ന തീരുമാനവും ശരിയായിരുന്നില്ലെന്നും അത് ആ സാഹചര്യത്തിൽ ഉണ്ടായ പെട്ടെന്നുള്ള തീരുമാനം ആയിരുന്നുവെന്നുമാണ് പന്ത് വിശദമാക്കിയത്.
അവസാന ഓവറിൽ 36 റൺസ് വിജയത്തിനായി വേണ്ടിയിരുന്ന ഡൽഹിയ്ക്കായി റോവ്മന്‍ പവൽ ആദ്യ മൂന്ന് പന്തിൽ സിക്സ് പായിച്ചിരുന്നു. മക്കോയി എറിഞ്ഞ ഓവറിലെ മൂന്നാം പന്ത് നോ ബോള്‍ ആയിരുന്നുവെന്നാണ് ഡൽഹിയുടെ വാദം. ഇത് അമ്പയര്‍മാര്‍ അംഗീകരിക്കാതിരുന്നപ്പോള്‍ പന്ത് പവലിനോട് ഡഗ്ഔട്ടിലേക്ക് മടങ്ങുവാന്‍ ആവശ്യപ്പെടുകയായിരുന്നു. ഇതേ സമയം തന്നെ ഗ്രൗണ്ടിലേക്ക് കടന്ന് കയറിയ ആംറേയെയും കാണാമായിരുന്നു.
ഈ വിവാദ നിമിഷങ്ങള്‍ക്ക് ശേഷം റോവ്മന്‍ പവലിന് മുമ്പത്തെ പോലെ അടിച്ച് തകര്‍ക്കുവാന്‍ സാധിക്കാതെ പോകുകയായിരുന്നു.
